Mbi 1.000 persona kanë humbur jetën në Spanjë si pasojë e temperaturave ekstreme gjatë valës së fundit të të nxehtit, sipas të dhënave zyrtare.
Autoritetet shëndetësore raportojnë se vetëm gjatë muajit qershor janë regjistruar 1.028 vdekje të lidhura me të nxehtin, ndërsa vendi ka përjetuar një nga muajt më të nxehtë të regjistruar ndonjëherë, me temperatura shumë mbi mesataren sezonale.
Vala e të nxehtit ka prekur edhe pjesë të tjera të Evropës, ku janë shënuar temperatura mbi 40°C dhe rekorde të reja në disa shtete.
Meteorologët e lidhin fenomenin me masa ajri të nxehtë nga Afrika e Veriut dhe sisteme të fuqishme presioni të lartë, ndërsa ekspertët theksojnë se ndryshimet klimatike po e intensifikojnë këtë lloj moti ekstrem.
