Presidentja e Komisionit Evropian, Ursula von der Leyen, ka nisur një vizitë dyditore në Kaukazin Jugor, me ndalesa në Azerbajxhan dhe Armeni, në kuadër të përpjekjeve të BE-së për të forcuar bashkëpunimin politik, ekonomik dhe energjetik me rajonin. Vizita synon gjithashtu nxitjen e stabilitetit dhe thellimin e partneriteteve me vendet e rajonit.
Në Baku, ajo u prit nga zyrtarë të lartë të Azerbajxhanit dhe pritet të zhvillojë një takim me presidentin Ilham Aliyev, ku do të diskutohen marrëdhëniet BE–Azerbajxhan dhe projektet e përbashkëta në tregti, energji dhe transport.
“BE-ja beson në një të ardhme të ndritur për Kaukazin Jugor: të lidhur, paqësor dhe të begatë. Ne duam të ndihmojmë në ndërtimin e kësaj të ardhmeje. Unë jam gjithashtu këtu për të thelluar partneritetin BE-Azerbajxhan, nga tregtia te transporti dhe nga energjia te ekonomia”, shkroi Ursula von der Leyen në platformën X.
