Bisedimet indirekte mes Iranit dhe Shteteve të Bashkuara të zhvilluara në Doha kanë përfunduar pa një progres të dukshëm drejt një marrëveshjeje afatgjatë, ndërsa diskutimet janë përqendruar kryesisht në çështje teknike dhe zbatimin e një marrëveshjeje të përkohshme.
Ndërkohë, presidenti amerikan Donald Trump ka deklaruar se procesi për kufizimin e programit bërthamor të Iranit po ecën mirë, duke theksuar se negociatat janë në rrugën e duhur, pavarësisht mungesës së një marrëveshjeje përfundimtare.
“Sipas burimeve pranë diskutimeve, gjatë dy ditëve palët trajtuan çështjen e lundrimit në Ngushticën e Hormuzit dhe zhbllokimin e fondeve iraniane, ndërsa programi bërthamor i Iranit nuk ishte pjesë e këtyre takimeve teknike”, thuhet në raportime.
