Numri i të arrestuarve pas protestës së zhvilluar sot para Kuvendit ka shkuar në 13, ndërsa në total policia ka shoqëruar 20 persona në lidhje me incidentet e regjistruara gjatë tubimit.
Sipas gazetares Dorjana Bezat, të arrestuarit pritet të qëndrojnë në ambientet e policisë deri në paraqitjen e tyre para Gjykatës së Tiranës, ku brenda 72 orësh do të zhvillohet seanca për caktimin e masës së sigurisë.
Të ndaluarit dyshohen për veprën penale “Shkatërrimi i pronës”, ndërsa hetimet lidhur me ngjarjet e protestës vijojnë.
