Sot nga revolta e 40 antiqeveritare para Kryeminstrisë, aktivisti Arbër Lleshi i bëri thirrje protestuesve të qëndrojnë të bashkuar, teksa shtoi se PD-ja duhet të mbajë larg duart nga autorësia e protestës.
“E majta dhe e djathta s’kanë mbjellë asgjë përveç përçarje. Këta nuk janë as të majtë a të djathtë më. Të majtët shqiptarë i keni në të majtët të këtij sheshi, dhe të djathtët shqiptarë në të djathë të këtij sheshi. Bashkimi do i tregojë Europës dhe botës se ne jemi të ndershëm dhe të dinjitetshëm njëlloj si e gjithë bota. prandaj, PD e cila e mban veten si opozitë ti mbajë larg duart për të marrë autorësinë e kësaj proteste. Kjo protestë është e shqiptarëve”, u shpreh ai.
Ndërkohë një demonstrues tjetër deklaroi se pas 13 vitesh në pushtet, qeveria duhet të mbajë përgjegjësi për, sipas tij, dështimet dhe aferat korruptive.
Studentët i përgatisin Ramës hallvën për të 40-tat e revoltës: Jepuni edhe policëve!
