Presidentja e Komisionit Evropian, Ursula von der Leyen, ka kërkuar masa më të rrepta për mbrojtjen e fëmijëve në internet, duke theksuar se përdorimi i rrjeteve sociale nga të miturit duhet të shoqërohet me më shumë kontrolle dhe rregulla të qarta.
Ajo u shpreh se të dhënat e reja mbi sigurinë online të fëmijëve duhet të ndihmojnë në hartimin e politikave të ardhshme të Bashkimit Evropian.
“Mediat sociale nuk janë lodër. Të vazhdojmë t’u lejojmë kompanive të mëdha të teknologjisë qasje të pakufizuar te fëmijët tanë do të thotë të rrezikojmë që një brez tjetër të përballet me më shumë dëmtime mendore, varësi dhe pasoja negative”, deklaroi Ursula von der Leyen.
