LSI ka dërguar mesditën e së martës kërkesën në KQZ për t’u regjistrua si koalicion në zgjedhjet e pjesshme lokale të 6 marsit në 6 bashki të vendit.
LSI kërkon që të regjistrohet me emrin “Shtëpia e Lirisë”, ku bëjnë pjesë edhe Komisioni i Rithemelimit të PD, si dhe Partia Demokristiane. Kjo kërkesë është nënshkruar nga sekretari i përgjithshëm i LSI, Endrit Braimllari.
Më herët, u publikua edhe marrëveshja mes “Rithemelimit” dhe LSI-së.
MARREVESHJA
“Sot më datë 31.1.2022, ne partitë politike të mëposhtme:
Ne po bashkohemi, si parti dhe si qytetarë, për t’i sjellë ndryshimin Shqipërisë.
Të gjithë e dimë që duhet ndryshim. Shqiptarët janë të fortë. Shqipëria është e fortë. Ka vetëm një njeri përgjegjës për dështimin e Shqipërisë në 8 vitet e fundit dhe ky është Edi Rama.
Ne po ndajmë të njëjtat vlera e parime politike, si edhe në vizionin për qeverisjen e vendit.
Dëshirojmë të koordinojmë angazhimet dhe kontributin për fitoren e përbashkët politike dhe prandaj
Vendosëm që:
Të formojmë një koalicion të gjerë opozitar dhe për të konkuruar së bashku në zgjedhjet e pjesshme për kryetar bashkie në Bashkitë Shkodër, Dibër, Durrës, Rrogozhinë, Vorë dhe Lushnje, të datës 6 mars 2022
Emri i koalicionit është “Shtëpia e Lirisë”
Shkronjat nistore të koalicionit do të jenë “SH-L”.
