SPAK ka nisur hetimet për Fondin Shqiptar të Zhvillimit, në lidhje me një tender prej 500 mijë dollarë, ku dyshohet se është fituar nga djali i drejtorit të këtij institucioni, Dritan Agolli.
Ky tender me afat 36 muaj, është dhënë për krijimin e produktit autentik ushqimor shqiptar duke krijuar “Menunë e 100 Fshatrave”.
Direkt pas këtij vendimi ka reaguar drejtori i Fondit Shqiptar për Zhvillim duke u shprehur se institucionet po goditen në mënyrë të vazhdueshme, si shkak i deklaratave të pa baza përfaqësuesve “të kulturës së baltës”.
Agolli shprehet se përmirësim të projekti “100 fshatra” dhe për rritjen me mijëra Euro në të ardhura ishte i nevojshëm edhe krijimi i një menuje autentike për zonat.
Po ashtu ai sqaron dhe sesi është zgjedhur kompania fituese e tenderit.
“Faza e parë ka qenë për përzgjedhjen e nje liste të shkurtër te kompanive pjesmarrëse ku në fund të kësaj faze kanë rezultuar dy pjesmarrës, të cilet janë kualifikuar që të dy nga komisioni i vlerësimit.
Për sa i përket aludimeve të ndryshimit të kritereve, sqarojmë se ky ndryshim është bërë me kërkesë të Agjencisë së Prokurimit Publik (APP) dhe konsistojnë në uljen e kërkesës për kapacitetin teknik dhe rrjedhimisht rritjen e aksesit në pjesëmarrjen e operatorëve ekonomik. Ndryshimi është bërë 5 ditë pas publikimit dhe duke lejuar një periudhë 3 javore deri në hapjen e ofertave.”
Faza e dytë ka qenë paraqitja e ofertave teknike dhe financiare, ku në bazë të ligjit kriteri teknik vlerësohet me 80% të peshës dhe kriteri financiar me 20% të peshës”
