Presidenti i Serbisë Aleksandar Vuçiç do të takojë sot pasdite zëvendësndihmës sekretarin amerikan të shtetit Gabriel Escobar. Më do të takojë emisarin europian Mirolav Lajçak, ndërsa më pas do ketë takim trepalësh, njofton radio B92, cituar nga gazeta “Bota Sot”.
Pas takimit me përfaqësuesin amerikan për Ballkan, Vuçiç do të takojë përfaqësuesin evropian Lajçak me të cilët sipas njoftimit nga kabineti i presidencës së Serbisë, do bisedohet për dialogun me ndërmjetësim të BE-së dhe çështjet tjera me interes në Ballkan.
Njoftohet se presidenti i Serbisë fillimisht rreth orës 18.00 do të takohet dhe bisedojë me Escobarin, ndërsa një orë më pas do takojë edhe Lajçakun, veç e veç.
Sipas kabinetit të presidentit, mësohet se pas orës 19.30 është planifikuar takimi trepalësh mes përfaqësuesve amerikanë edhe evropianë Escobar e Lajçak edhe presidentit të Serbisë.