Komisioni i Ankesave dhe Sanksioneve, që është shkalla e dytë pas KQZ ka vendosur në mbledhjen e sotme që të rrëzojë kërkesën e Partisë Demokratike për të përjashtuar nga gara e 6 marsit në 6 bashki të vendit kandidatët e Sali Berishës që garojnë me ndihmën e koalicionit LSI-PDK, pasi ish-kryeministri u nxor jashtë.
Argumentet kryesore të PD-së ku mbështeti kërkesën për përjashtim të këtij koalicioni nga zgjedhjet janë; regjistrimi më parë si koalicion se si parti, simbolet e përdoruara, por edhe fakti se cila parti do i propozojë kandidatët.
Por KAS e rrëzoi dhe i hapi dritën jeshile për të marrë pjesë në zgjedhje. Tashmë pritet nëse PD do të dorëzohet apo do ta çojë cështjen në Kolegjin Zgjedhor, që është shkalla e fundit.
/5pyetjet.al
