Tensione janë shënuar në nisje të protestës së zhvilluar para Kryeministrisë mes qytetarëve dhe përfaqësuesve të FRPD-së.
Aktivistët e shoqërisë civile dhe protestuesit paqësorë kanë kërkuar që përfaqësuesit e FRPD-së të largohen nga protesta, duke theksuar se nuk duan asnjë përfaqësim politik në tubim.
Në thirrjet e protestuesve dëgjohet: “Rama në burg, Berisha në burg, opozitë e shitur”.
Në kor, protestuesit janë dëgjuar duke thirrur: “Jo provokime”.
“Antipartiak, antipartiak, atdheu është i yni, atdheu është i yni. Nuk ka fe nuk ka parti që përçan shqiptarinë. Opozita jemi ne”, shprehen protestuesit.
