Ministrja e Shtetit për Marrëdhëniet me Parlamentin, Elisa Spiropali, me anë të një postimi në Facebook, ka deklaruar votën “pro” për zgjatjen e afatit të organeve të vettingut, ku thekson se kjo do të ndodhë që në seancën e së enjtes.
Më tej, Spiropali shkruan se reforma në drejtësi është një gur i rëndësishëm kilometrik në rrugën evropiane të Shqipërisë.
“Në seancën plenare të së enjtes votojmë zgjatjen e afatit të organeve të vetingut deri më 31 dhjetor 2024.
Ky ndryshim në Kushtetutë garanton përfundimin e procesit të vetingut të të gjithë gjykatësve dhe prokurorëve, barazinë para ligjit dhe sigurinë juridike të procesit.
Reforma në drejtësi është pa kthim. Shumica do i votojë ndryshimet. Siç theksojnë partnerët tanë, kjo nuk është çështje partiake, por një gur i rëndësishëm kilometrik në rrugën evropiane të Shqipërisë. I bëjmë thirrje çdo deputeti të votojë pro”, mbyllet postimi i Spiropalit.
