Në seancën e kësaj të enjteje pritet që kuvendi të miratojë zgjatjen e afateve të organeve të vettingut. Në prag të këtij votimi të rëndësishëm ka reaguar edhe ambasada britanike në Tiranë, e cila inkurajon për votimin e propozuar të vettingut.
Ashtu si ambasada e BE dhe SHBA-ve, ambasada britanike thekson se procesi i rivlerësimit i të gjithë gjyqtarëve dhe prokurorëve duhet të bëhet në mënyrë të drejtë dhe të barabartë.
“Zbatimi i reformës në drejtësi është thelbësor për një sistem drejtësie të pavarur dhe efikas si dhe për të ardhmen e Shqipërisë.
Ne inkurajojmë Kuvendin e Shqipërisë të mbështesë zgjatjen e propozuar të vetingut.
Procesi i rivlerësimit i të gjithë gjyqtarëve dhe prokurorëve duhet të bëhet në mënyrë të drejtë dhe të barabartë. Kjo do të ndikojë në konsolidimin e mëtejshëm të reformës dhe në përgjithësi në rritjen e besimit në sistemin e drejtësisë”, deklaron ambasada britanike.
