Sulmi i Izraelit ndaj Libanit rrezikon të prishë atmosferën e mirë pak para se të përfundojë marrëveshja me Iranin, e cila do të prekë edhe Libanin, shkruan Donald Trump në një postim.
Presidenti amerikan kërkon që të mos ketë sulme as nga Hezbollahu.
“Ky mund të jetë fillimi i një paqeje të gjatë dhe të bukur, le të mos e prishim!”, përfundon ai.
Ushtria izraelite sulmoi objektivat e Hezbollahut të dielën në periferitë jugore të Bejrutit, në fortesën e organizatës të njohur si Dahiya , sipas një deklarate të përbashkët nga kryeministri Benjamin Netanyahu dhe ministri i Mbrojtjes Israel Katz.
Kjo është përgjigja e Izraelit ndaj zjarrit të Hezbollahut ndaj zonave izraelite, sipas të njëjtës deklaratë.
