Banorët e zonës së “5 Majit” në Tiranë mëngjesin e kanë kaluar jashtë, pasi ishin informuar se në mëngjes fadromat e IKMT-së do të shkonin për t’u prishur shtëpitë, që i kanë ndërtuar me mund.
Një jetë punë për të ndërtuar një banesë dhe në fund gjithçka rrafshohet me një urdhër duke i nxjerrë jashtë.
E trishtë ka qenë kjo natë sidomos për vogëlushen e Bekim Cerrit, që festoi datëlindjen e saj të 5-të në një situatë të tillë.
Mëngjesi erdhi dhe bashkë me të fadromat duke sjellë përplasjen e banorëve me policinë dhe punonjësit e IKMT-së.
Hunj, gurë dhe sende të tjera të forta u lëshuan kundër tyre, por policia i rrethoi duke i nxjerrë jashtë për të nisur shembjet.
/5pyetjet.al
