Ndërsa planeti shikon në heshtje pushtimin e vazhdueshëm të Ukrainës dhe qytetet fillojnë të bien në duart e forcave ruse, pyetja e madhe është se cili është plani përfundimtar i Vladimir Putinit?
Sipas “Politico”, zyrtarët perëndimorë thanë se operacioni në shkallë të gjerë ishte tregues i dëshirës për të pushtuar “një pjesë shumë të madhe të Ukrainës” dhe se Putini ka të ngjarë të dërgojë forcat tokësore në Kiev për të arritur qëllimin e tij.
Të njëjtët zyrtarë përshkruan në terma pesimistë aftësinë e Forcave të Armatosura të Ukrainës për të zmbrapsur një pushtim kaq të shumëanshëm dhe paralajmëruan se “do të duhet të presim dhe të shohim se si do të zhvillohet beteja në 24 orët e ardhshme”.
Një skenar që qarkullon mes vëzhguesve të zhvillimeve ruso-ukrainase është se Putini do të kërkojë të rikthejë në pushtet ish-presidentin ukrainas Viktor Janukoviç, i cili u largua keq nga vendi tetë vjet më parë mes protestave të ashpra antiqeveritare.
Sipas të njëjtës teori të paraqitur nga “Politico”, Yanukovych dhe/ose zyrtarë të tjerë të lartë të qeverisë që aktualisht jetojnë në Rusi do të rikthehen në detyrë, ndërsa presidenti aktual Volodymyr Zelensky dhe shumë ukrainas të tjerë do të dalin në gjyq.
Megjithatë, presidenti rus, siç komentuan zyrtarët perëndimorë, mund të mbivlerësojë fuqinë e tij brenda mureve, pasi disa nga strukturat e Moskës kanë frikë se pushtimi ishte i gabuar, ndërsa demonstratat kundër luftës tashmë kanë filluar.
/5pyetjet.al
