Pas nënshkrimit të një memorandumi mirëkuptimi me Iranin, Presidenti amerikan Donald Trump deklaroi se dy nga liderët më të fuqishëm botërorë, Vladimir Putin dhe Xi Jinping, kanë luajtur rol të rëndësishëm në lehtësimin e procesit të arritjes së marrëveshjes.
Sipas tij, qëndrimi “neutral” i Moskës dhe Pekinit gjatë zhvillimeve të fundit ka ndihmuar në shmangien e përshkallëzimit të mëtejshëm të konfliktit dhe në hapjen e rrugës për dialog.“Dua të falënderoj Kinën, Presidentin Xi.
Isha me të dhe ai qëndroi neutral, plotësisht neutral, dhe e vlerësoj këtë. Dhe dua të falënderoj Vladimir Putinin, ai ishte shumë neutral. Ata mund ta kishin bërë shumë më të vështirë për ne”, u shpreh Trump, duke theksuar se mbështetja e tyre e tërthortë kontribuoi në përmbylljen e marrëveshjes me Teheranin.
