Grupe të shoqërisë civile kanë ftuar qytetarët e Prishtinës në një protestë kundër shtrenjtimin e energjisë elektrike.
Protesta do të nisë në orën 12:00. “Asnjë cent më shumë”, është motoja e kësaj proteste.
Në Kosovë më herët grupe protestuesish kanë hedhur llampa dhe qirinj mbi ndërtesën e qeverisë së Kosovës, në shenjë pakënaqësie për rritjen e çmimit të energjisë elektrike.
Përgjatë protestave pati edhe çaste përplasjesh me policinë në hyrje të ndërtesës së qeverisë.
