Ministri i Jashtëm i Irlandës dënon komentet e ministrit të jashtëm rus që përpiqet të justifikojë pushtimin rus të Ukrainës duke krahasuar përvojën e pakicës rusishtfolëse atje me historinë e kolonializmit të Irlandës nën Perandorinë Britanike.
Gjatë një konference për shtyp në Moskë më herët sot, Sergei Lavrov tha “nëse në Irlandë do ta ndalonin gjuhën angleze, çfarë do të mendonte Britania e Madhe për këtë?”.
Komentet kanë bërë që ministri i Jashtëm irlandez, Simon Coveney, të përgjigjet me një postim të zemëruar në Twitter.
“Mos e futni Irlandën në një argument duke u përpjekur të justifikoni një luftë të pajustifikueshme,” shkruan ai.
“Irlanda/Mbretëria e Bashkuar janë një shembull se si dy vende, me një të kaluar të vështirë, gjetën një mënyrë për të formësuar dhe mbështetur një proces paqeje, duke garantuar mungesën e dhunës,” vazhdon ai.
Irlanda u pushtua për herë të parë nga pushtuesit anglo-normanë në vitin 1169, duke fituar më në fund sundimin nga Perandoria Britanike në 1922. Gjatë shekujve, gjuha amtare irlandeze u zëvendësua ngadalë nga anglishtja.
/5pyetjet.al
