Agjencia Kundër Korrupsionit në Kosovë ka kallëzuar zyrtarë të lartë, mes tyre ministra, sekretarë, prokurorë dhe gjyqtarë, pasi nuk kanë deklaruar pasurinë. Agjencia nuk i ka publikuar emrat e ministrave dhe zyrtarëve të tjerë që ka kallëzuar.
“Me qëllim të theksimit të rëndësisë të raportimit të saktë dhe në kohë të pasurisë, subjekteve deklaruese informohen që lidhje me veprën penale “Mos raportimi ose raportimi i rremë i pasurisë, i të ardhurave, i dhuratave, i dobisë tjetër materiale ose i detyrimeve financiare sipas nenit 430 të Kodit Penal të Kosovës Kodi Nr. 06/L-074” në vitin 2021, Agjencia ka ushtruar rreth 140 kallëzime penale, ndërsa vetëm në muajin shkurt 2022 janë dorëzuar edhe 43 raste në Prokurorinë e Shtetit.
Në listën e kallëzimeve penale përfshihen zyrtarë të lartë nga niveli i ministrit, sekretarë të përgjithshëm, prokuror, gjyqtar e deri te anëtarët e kuvendeve komunale”, thuhet në njoftim.
/5pyetjet.al
