Ambasadori i Gjermanisë, Peter Zingraf, ndoqi mesditën e sotme procesin zgjedhor në Shkodër.
Diplomati gjerman nuk pranoi që të bënte asnjë koment mbi thirrjen e Yuri Kim për shqiptarët që të mos votojnë për kandidatë që mbështeten nga persona të shpallur non grata, konkretisht Sali Berisha.
“Më lejoni që të mos komentoj rreth këtij fakti, se kush voton i takon popullit shqiptarë që të vendosë” tha ai.
“Të gjitha zgjedhjet janë shumë të rëndësishme për vendin, për Shqipërinë.
Unë personalisht jam shumë kureshtar që të shoh atmosferën e përgjithshme, gjykoj se është një përgatitje shumë e mirë e tyre.
Ardhja ime në Shkodër ishte e rastësishme, është një qytet ku vij shpesh” tha ai më tej.
/5pyetjet.al
