Forcat e armatosura të Ukrainës, kanë deklaruar se forcat ruse po vazhdojnë “ operacionet sistematike luftarake duke përdorur aviacion bombardues për të shkatërruar infrastrukturën ushtarake civile në Ukrainë”.
Në mes të luftimeve të ashpra në jug, forcat e armatosura thanë se forcat ruse vazhduan përpjekjet e tyre për të rrethuar qytetin e Mykolaiv, i cili shihet si një rrugë kritike për në qytetin kryesor jugperëndimor të Odessa. Ata thanë se forcat ruse ishin frenuar.
Rreth Kievit, forcat e armatosura ukrainase thanë se forcat ruse po përpiqeshin të kalonin përtej lumit Irpin për të fituar një bazë rreth vendbanimeve Bucha dhe Irpin – dy periferi të Kievit që kanë pasur luftime intensive që nga fillimi i pushtimit. Ata thanë se forcat ruse po rigrupoheshin për të rifilluar veprimet sulmuese në drejtim të Kievit.
Deklarata e forcave të armatosura tha se në Ukrainën lindore, rusët ishin të përqendruar në rikuperimin nga humbjet e shkaktuara rreth Kharkiv dhe Izium. Të dy qytetet kanë përjetuar dëme të shumta dhe vuajtje të civilëve.
