Kryeministri Edi Rama gjatë takimit me importues, eksportues dhe përfaqësues të zinxhirit të furnizimit me mallrat e shportës u shpreh sot në Shqipëri nuk ka oligarkë.
“Në Shqipëri nuk ka oligarkë, është një fjalë e futur si gogol për t’u krijuar njerëzve idenë se këtu janë ca forca të errëta që po u “pinë” gjakun, për të sjellë atë hijen e kulakut” tha ai.
Por cfarë do të thotë oligark për Edi Ramën?
“Oligark do të thotë njerëz të pasur që marrin vendime politike. Nuk ka. Nuk ka grup njerëzish që vendosin cfarë duhet të bëjmë ne. Kjo nuk ekziston” tha me siguri ai.
Njëri nga importuesit e kimikateve, Roland Bramllari, kompania MBM shpk i atakuar nga Erion Braçe, i kërkoi që të ndalojë retorikën dhe sulmet ndaj tyre në parlament.
“Ne nuk jemi as oligarkët dhe as kulakët e këtij vendi”. Por Rama tha se nuk mund ta bëjë.
“Tymueset e parlamentit pritet që të shtohen dhe jo të ulen. Tymueset në parlament dhe serat e medias janë një problem” tha Rama.
