Një viktimë dhe 26 raste të reja me COVID-19 janë regjistruar në 24 orët e fundit në Kosovë.
Lajmin e ka bërë të ditur Ministria e Shëndetësisë, përmes një njoftimi në faqen zyrtare.
Gjithashtu janë shëruar 40 pacientë. Numri i rasteve aktive ka arritur në 576.
“Nga 752 testime, 26 qytetarë kanë rezultuar pozitiv me virusin COVID-19. Gjatë 24 orëve të fundit, është shënuar 1 rast i vdekjes.
Sot janë shëruar 40 qytetarë, derisa numri i përgjithshëm i të shëruarve është 223.786. Në total numri i rasteve aktive është 576”, ka njoftuar Ministria.
