Vritet Iljaz Çali në Tiranë. Mbrëmjen e sotme, në autostradën Tiranë-Durrës, përballë DHL-së në rrethana ende të paqarta u qëllua me armë zjarri drejt një automjeti tip “Land Rover”, ku udhëtonte Çali me origjinë nga Vlora.
Si pasojë humbi jetën në vend. Ai ishte i vetëm në makinë Automjeti është në pronësi të Hekuran Xhixhës.
Autorët i bënë pritë dhe e ekzekutuan me kallash. Banorët e zonës thanë për “5pyetjet.al” se dëgjuan të shtëna, por nuk arritën të shohin asgjë për shkak të errësirës.
“5pyetjet.al” siguroi pamjet nga vendi i ngjarjes dhe momenti i transportimit të trupit të viktimës në morg.
Policia ka ngritur pika kontrolli në rrugët interurbane të Lezhës, Durrësit dhe Elbasanit për kapjen e autorit/ëve.
Grupi hetimor po punon për sqarimin e plotë të rrethanave të ngjarjes dhe për fiksimin e çdo prove të vlefshme që mund të çojë në identifikimin e autorëve.
