Këtë vit do të bëhet regjistrimi i popullsisë, bëjnë të ditur nga Agjencia e Statistikave të Kosovës.
Ky proces është planifikuar të mbahej vitin e kaluar, por u shty për shkak të pandemisë.
Në Kosovën e pasluftës, regjistrimi i vetëm është bërë në vitin 2011, por që nuk ishin përfshirë të gjitha komunat e Kosovës.
Nga ky institucion bëjnë të ditur se edhe buxheti i paraparë për këtë proces tashmë është ndarë, dhe se në muajin maj priten edhe veprimet konkrete që do të finalizonin një proces të tillë.
Regjistrim te popullsisë ka pasur në vititn1921 dhe në vitin 1931 në kohën e Jugosllavisë së parë, pas Luftës së Dytë Botërore, në Jugosllavinë e Dytë vijojnë regjistrimet e popullsisë së viteve 1948, 1953, 1967 dhe 1981.
Në vitet ’90 për shkak të situatës politike në Jugosllavinë e asaj kohe, një proces i tillë nuk kishte ndodhur deri në vitin 2011.
