Mëngjesin e kësaj të hëne, banorët e zonave të 5 Majit, Laprakës, kanë dalë sërish në protestë para Bashkisë së Tiranës. Në thirrjet e banorëve kërkohet drejtësi për shpronësimet e pronave të tyre.
“Ne kemi kërkuar takim me kryetarin e bashkisë. Shtëpitë po shemben në kundërshtim me ligjin. Sipas ligjit duhet të nënshkruhet një akt marrëveshje dhe jo të prishen shtëpitë me dhunë. Sa i përket banesave në Paskuqan, na kanë thënë shembeni banesat vetë sepse do vihen gjoba. Mos të bëjnë gafë të afrohen sepse do përballen me ligjin. Unë dua ti bëj thirrje të gjithë politikës që të ndërhyjë, që të ul zullumin e tyre.”, tha protestuesi.
