Pas përfundimit të grumbullimit përpara godinës së Kryeministrisë, revolta qytetare nuk ka marrë fund.
Mijëra protestues kanë nisur një marshim nëpër rrugët kryesore të kryeqytetit, duke vijuar mesazhin e dhënë gjatë fjalimeve të forta në podium.
Marshimi po zhvillohet kryesisht në bulevardin “Dëshmorët e Kombit”, ku qytetarët po mbajnë ndezur dritat e telefonave dhe këndojnë këngën “Dua më shumë Shqipërinë”.
Në ditët e kaluara, protestuesit kanë zgjedhur të vijojnë aktivitetin në formë marshimi, duke paralizuar përkohësisht disa akse kyçe të Tiranës.
