Në tubimin e mbrëmshëm qytetar në bulevardin “Dëshmorët e Kombit”, një nga aktivistët e protestës u drejtua me një apel të fortë ndaj pjesëmarrësve, duke kërkuar vetëpërmbajtje dhe kulturë të lartë.
Ai paralajmëroi për tentativat e provokimeve dhe infiltrimeve nga militantë partiakë, duke theksuar se personat e tillë janë evidentuar dhe nuk do të lejohen të flasin.
“Nuk jemi këtu për karrigen e askujt, jemi për Shqipërinë. Jepini zë figurave dhe intelektualëve. Aktivistët politikë i kemi evidentuar, i kemi me foto, mos u mundoni të vini të flisni këtu,” tha aktivisti.
Ai gjithashtu bëri thirrje që pas përfundimit të tubimit protestuesit të shpërndahen të qetë dhe të mos krijojnë incidente përpara selive të partive, duke ruajtur dinjitetin e protestës.
