Lulzim Basha është lakuar në media si një prej kandidatëve të mundshëm për president të vendit. Ishte vetë Sali Berisha që tha pak ditë më parë se kishte dëgjuar nga njerëz pranë ish-kreut të PD-së se do të kandidonte. Por a do ta votonte ish-kryeministri?
“A ka mundësi mos bëni shaka. Lëreni se ai e përgënjeshtroi këtë dhe le të mos merremi me gjëra të tilla” u tha Berisha gazetarëve duke qeshur.
I pyetur nëse do të marrë pjesë në mbledhjet e tjera të grupit të PD-së, referuar faktit që është pezulluar në 9 shtator, Berisha tha “Vendimi i 9 shtatorit u varros në mënyrë më demokratike në datë 11 dhjetor, këto gjëra nuk kanë asnjë lidhje”.
Por në kuvend nuk figuron pjesë e grupit. “Nuk jam përjashtuar nga grupi, ato janë kombinacione të Edi Ramës, anti-kushtetuese dhe anti-ligjore, kam qenë dhe do të jem pjesë e grupit” deklaroi ai.
