Zv/ kryeministri Arben Ahmetaj pas mbledhjes së qeverisë njoftoi sot vendimet e reja lidhur me procesin e rindërtimit në zonat e goditura nga tërmeti i 26 nëntorit të 2019, por edhe institucioneve shtetërore.
“Ka një seri institucionesh të dëmtuara nga tërmeti i 2019. Sot kemi futur në rindërtimin institutin e policisë shkencore. Vazhdojmë financimin dhe rindërtimin e pallateve në Kavajë dhe Durrës.
Bashkia pas vlerësimeve që bëhen ka kërkuar edhe një financim, 16 mln dollarë. Sot kemi marrë vendim edhe për shkollat. Pasi kemi zgjidhur problemet në zonat e dëmtuara nga tërmeti, po vazhdojmë për shkollat më të vogla. Procesi i rindërtimit është në një fazë shumë të avancuar” tha ai.
Ahmetaj sqaroi edhe njëherë rritjen e çmimit të energjisë dhe fashën që prek. “Ka një pjesë të vogël të familjeve që harxhojnë 25% të energjisë. Ato që harxhojnë 70 kw/ h e sipër, do të trajtohen ndryshe. Ato nën 700 nuk iu ndryshon çmimi” tha ai.
