Gjykata në Shkup dënoi ditën e sotme ish-kryeministrin e Maqedonisë, Nikolla Gruevski me shtatë vite burg.
Ai akuzohet për përvetësimin e 1.3 milionë eurove nga partia që ai drejtonte VMRO-DPMNE dhe përdorimin e tyre për të blerë nje tokë ndërtimi.
Ish-kryeministri Nikolla Gruevski është dënuar me 7 vite burg dhe 3500 euro gjobë për rastin “Parcelat në Vodno”, raporton Alsat.
Ish-kreu i DSK-së, Sasho Mijalkov, u dënua me një vit e tre muaj burg. Biznesmeni Orce Kamçev u dënua me një vit burg, ndërsa kumbari i Gruevskit, Risto Novaçevski u dënua me dy vjet me kusht.
Në mesin e të pandehurve është edhe Nenad Josifovic, i cili u dënua me dy vjet me kusht, si dhe Ratka Kamçeva, e cila lirohet nga akuza për shkak se krimi është i vjetëruar.
Kujtojmë që Departamenti i Thesarit të Shteteve të Bashkuara për Kontrollin e Pasurive të Huaja (OFAC) ka sanksionuar ish-kryeministrin Nikola Gruevski, duke e shpallur atë non grata.
