Presidentja, Vjosa Osmani, pas takimit me presidentin e Letonisë, Egils Levits, duke theksuar kërcënimet nga Rusia dhe aleati i saj Serbia për rrezikun që paraqesin për rajonin ballkanik, kërkoi mbështetjen e Letonisë për anëtarësimin e Kosovës në NATO.
Homologu i saj letonez i shprehu gatishmërinë për ta mbështetur Kosovën për anëtarësim në strukturat euroatlantike.
Edhe kryeministri, Albin Kurti e ka falënderuar presidentin Levits për njohjen e pavarësisë së Kosovës nga Letonia dhe përkrahjen për anëtarësim në organizatat ndërkombëtare.
”Letonia e konsideron pavarësinë e Kosovës si të pakthyeshme dhe promovon interesat e shtetit tuaj në Bashkimin Evropian”, ka thënë presidenti Levits.
Ai ofroi mbështetjen për anëtarësimin e Kosovës në Këshillin e Evropës dhe për përfshirjen në Programin e Partneritetit për Paqe, si hap i parë drejt anëtarësimit në NATO.
