Suedia aplikoi zyrtarisht për të qenë pjesë e NATO-s pas kërcënimit rus. Ambasadorja e Suedisë në vendin tonë, Elsa Hastad ka zhvilluar një takim me kryeministrin Edi Rama, ku e ka informuar mbi aplikimin dhe ka kërkuar mbështetjen e Shqipërisë, si anëtare me të drejtë ta plota.
“Ky është një moment historik. Takim me kryeministrin Edi Rama, duke informuar për vendimin e Suedisë për dorëzimin e aplikimit për anëtarësim në NATO. Faleminderit Kryeministër për takimin shumë të mirë dhe mbështetës” thuhet në postimin e ambasadës së Suedisë në Tiranë.
Sytë tani janë jo vetëm te Rusia për reagimin që do të ketë, por edhe te Turqia nëse do të bindet të heqë veton për pranimin në NATO të dy vendeve, Finlandës dhe Suedisë.
