Kryeministri Edi Rama paralajmëroi sot se krahas kontratave të punës, do të verifikohet edhe paga e deklaruar dhe stili i jetesës për cdo qytetar nëse përputhet. Kjo ka sjellë reagimin e parë nga opozita. Deputeti Edmond Spaho bën një deklaratë të fortë, kur thotë se “patronazhistët socialistë janë me shtëpi bari”, pra kultivojnë kanabis në ambiente të mbyllura, të pacenuar nga askush.
“Demagog me rrenje e me dege! Shko heto ata qe nuk kane paga fare dhe merren me droge dhe jetojne si mbreter, heto ata te cilet vjedhin fondet publike, heto patronazhistet me shtepi bari anembane vendit, heto oligarkine te ciles i ke falur gjithe Shqiperine, heto ministrat e tu te cilet jane bere si pashallare, heto inceneratoret ku ke groposur 400 milione euro dhe inceneratore nuk kemi.
Nuk kane te numuruar paudhesite e tua. Te merresh me keta me siper do te thote te hetosh vehten pasi ti je frymezuesi dhe mbeshtetesi i tyre. Ata te mbajne ne pushtet se vjedhin vota dhe behen te paprekshem edhe kur vjedhin pasurite publike e merren me krim te organizuar” mbyllet postimi.
