Presidenti i Shteteve të Bashkuara, Joe Biden, u shpreh se do të përdorte forcën për të mbrojtur Tajvanin.
Kjo, nëse ishulli i pavarur do të sulmohej nga Kina.
Lajmin e bëri të ditur agjencia Reuters, duke cituar Biden-in gjatë vizitës në Japoni.
Kjo deklaratë duket se sinjalizon një largim nga politika e Washington-it prej dekadash.
Ajo njihet si “paqartësia strategjike ndaj demokracisë së Azisë Lindore”.
Biden vizitoi Japoninë, ku është në fazën e dytë të udhëtimit të tij të parë në Azinë Lindore që nga marrja e detyrës.
Duke iu përgjigjur pyetjeve të një gazetari për Tajvanin, Biden garantoi se mbrojtja e Tajvan-it ishte një “angazhim i premtuar”.
Ai paralajmëroi se Pekin-i zyrtar tashmë “po flirton me rrezikun duke fluturuar kaq afër me të gjitha manovrat e ndërmarra prej tij”.
Kjo, duke iu referuar një numri në rritje të fluturimeve kineze, stërvitjeve detare dhe projeksioneve të tjera të fuqisë në ngushticat e Tajvanit.
Autoritetet kineze ruajnë ende pretendimet e tyre mbi Tajvanin, emri zyrtar i të cilit është Republika e Kinës, si një provincë.
Kina iu përgjigj menjëherë komenteve të Biden duke thënë se “askush nuk duhet të nënvlerësojë vendosmërinë, vullnetin e vendosur dhe aftësinë e fortë të popullit kinez për të mbrojtur sovranitetin kombëtar dhe integritetin territorial”.
