Është djegur edhe raundi i 3 për zgjedhjen e Presidentit të Republikës. Opozita nuk ka shpallur asnjë kandidaturë, dhe si rrjedhojë ditën e sotme maxhoranca ka paralajmëruar se do të propozojë kandidatët për president që do të çohen më pas për votim në parlament.
Në raundin e katërt dhe të pestë zgjidhet President kandidati që siguron më shumë se gjysmën e votave të të gjithë anëtarëve të Kuvendit, çka do të thotë se maxhoranca i ka votat.
Sot, Kuvendi i Shqipërisë do të zhvillojë dy seanca plenare.
Sipas njoftimit zyrtar, në orën 10:00 do të zhvillohet seanca plenare për zhvillimin e votimit të tretë për zgjedhjen e Presidentit të Republikës. Në orën 11:00 do të vijojë seanca plenare, e cila në rendin e ditës do të ketë çështjet e parashikuara në Kalendarin e Kuvendit.
