Presidenti Ilir Meta, ministra, deputetë, prefekti i Tiranës, zyrtarë të tjerë dhe ish-zyrtarë, figura të njohura të PD-së, mes tyre Jozefina Topalli, por edhe shumë personalitete të tjerë i kanë dhënë sot lamtumirën e fundit ish-Presidentit Bujar Nishani.
Ceremonia shtetërore e homazheve u zhvillua në Presidencë. Në homazhe nuk ka munguar edhe mbesa e ish-Presidentit Nishani, Beniada Nishani.
Ajo i është bashkuar ceremonisë së dhënies së lamtumirës, teksa shfaqet e veshur me të zeza.
Një ditë më parë, presidenti Ilir Meta nderoi me Dekoratën e Flamurit Kombëtar pas vdekjes Bujar Nishanin për kontributin e tij në forcimin e demokracisë në vend, si dhe mbështetjen e treguar për integrimin europian të vendit.
Bujar Nishani ndërroi jetë ditën e shtunë në moshën 57-vjeçare në një spital në Gjermani, si pasojë e komplikacioneve nga koronavirusi.
Bujar Nishani lindi më 29 shtator 1966 dhe mandatin presidencial e mori në 24 korrik 2012 dhe e përmbylli më 24 korrik 2017.
Ai ishte presidenti i gjashtë i Shqipërisë.
