Prokuroria e Posaçme kundër Korrupsionit dhe Krimit të Organizuar ka kërkuar 3 vite e 4 muaj burg për ish-kreun e Bashkisë Lushnjë, Fatos Tushe.
Gjithashtu SPAK ka kërkuar 2 vite e 8 muaj burg për ish nënkryetarin e Bashkisë Lushnjë, Gentian Nushi.
Fatos Tushe u arrestua me 6 korrik, me 10 ish-vartësit e tij, nga një operacion i ndërmarrë nga SPAK, për akuzën e shpërdorimit të detyrës. Bëhej fjalë për një tender me vlerë rreth 23 mln lekë për rehabilitimin e një kanali ujitës në fshatrat Bishqethëm dhe Bitaj.
Ky tender është fituar nga kompania EuroAlb shpk, që kishte sjellë ofertën më të lartë, por më pas punimet, fitimet dhe punën e ka bërë një kompani tjetër, e biznesmenit Ibrahim Lami.
