Dita ndërkombëtare e mjedisit vjen me një risi në Tiranë, pasi po hidhen hapat e parë drejt teknologjisë së mbledhjes së mbetjeve në kazanë nëntokësorë.
Lajmin e ka bërë të ditur kryeministri Edi Rama, nëpërmjet një postimi në Facebook, ku ka treguar edhe procedurën e mbledhjes së plehrave me makinerinë e posaçme, si edhe mundësinë për mbledhje të diferencuar në burim.
“Në Ditën Ndërkombëtare të Mjedisit, më në fund edhe në Tiranë hidhet hapi i parë drejt teknologjisë së mbledhjes së mbetjeve në qytet me kazanë të rinj nëntokësor, që nuk ndotin e as vandalizohen dot dhe që zbrazen me një mjet të posaçëm, duke i hapur gjithashtu rrugën ndarjes së mbetjeve në burim”.
