Ministri i Mbrojtjes Niko Peleshi përmes një postimi në Facebook ka reaguar në lidhje zjarrin që ka rënë në ishullin e Sazanit.
Ai ka bërë me dije bën se efektivët e Forcave të Armatosura kanë neutralizuar rreth 14 vatra zjarri në ishullin e Sazanit.
“Pas një pune të pandërprerë, efektivët e FA kanë mundur të neutralizojnë rreth 14 vatra zjarri në ishullin e Sazanit.
Rreth 100 trupa të tjerë të Forcave të Armatosura po dërgohen në terren, ndërsa janë vënë në dispozicion edhe 3 anije të Forcës Detare. Trupat vazhdojnë operacionin e izolimit të plotë të flakëve, krijimin e brezit të shpyllëzimit me mjete shtesë nga Komanda Mbështetëse”, shkruan Peleshi.
