Nuk ka asnjë hatërmbetje mes Sali Berishës dhe Ilir Metës. Kryetari i PD-së, Sali Berisha e konfirmoi sërish sot duke thënë se Ilir Meta e firmosi në Stamboll dekretin për lirimin e Bajram Begajt nga posti i shefit të shtabit pasi e detyronte Kushtetuta duke u tërhequr nga inati dhe akuzat për shkelje të ligjit themeltar të shtetit.
“Nuk ka krisje me Ilir Metën. Presidenti, e kam theksuar. Kushtetuta në germë nuk ndalon firmosjen e dekreteve jashtë vendit, por raste unë di, që nuk ndodh, kjo që kam pretenduar.
Tani, të themi të vërtetën, Presidenti, mund të mos e firmoste raundin e katërt, ta digjte, por të pestin nuk mund ta digjte dot, do të ushtronte detyrimin e tij kushtetues, pasi ka mekanizma të tjerë dhe nuk mund të mos ushtronte detyrimin e tij të zhdegradimit, nxjerrjes në lirim të shefit të shtabit.
Rast unik. Presidenti është i detyruar të përmbushë detyrimet e tij kushtetuese” tha ai.
Protestat? “Qytetarët po ziejnë. Qytetarët e kanë të vështirë gjerë në shtator” tha ai.