Nga përpara SPAK, ku ishte në zbatim të masës detyrim paraqitje, kreu i Partisë Demokratike Sali Berisha paralajmëroi se protestat kombëtare të opozitës do të vijojnë dhe se do të jenë edhe më të fuqishme.
Kryedemokrati po fliste për protestën e 17 Prillit, ku akuzoi policinë për sprajin e përdorur ndaj protestuesve, teksa theksoi se dosja e kryeministrit Edi Rama dhe ish vartëses së tij Belinda Balluku nuk do të mbyllet.
“Do të vazhdojmë edhe më shumë. Protestat do të jenë edhe më të fuqishme. Dosja Rama Balluku nuk mbyllet kurrë. Le të shkojnë në qiell, dosja është e hapur, është një gropë për Ramën dhe Lubi Ballukun.”, tha Berisha.
