Erdogan mori një nga vendimet më të rëndësishme të kohëve të fundit, teksa vendosi të heqë vetos për anëtarësimin e Finlandës dhe Suedisë në NATO.
Pas këtij lajmi, ka reaguar edhe ambasadorja amerikane në Tiranë, Yuri Kim. Me anë të një postimi në rrjetet sociale, diplomatja amerikane thekson se Putin synonte të dobësonte aleancën, e cila tashmë është më e bashkuar, sipas saj.
“Presidenti Putin donte që të dobësonte NATO-n me këtë luftë. Përkundrazi, NATO është më e fortë dhe më e bashkuar dhe tashmë është më afër zgjerimit” – shkruan Kim.
Turqia vendosi sot të mbështesë anëtarësimin në NATO të Finlandës dhe Suedisë. Këtë e ka konfirmuar edhe Presidenti finlandez Sauli Niinisto.
