Disa detaje të reja janë zbardhur nga atentati i djeshëm në Shkodër, ku poshtë makinës së drejtoreshës së OSHKSH u vendos një sasi tritoli.
Fatmirësisht nuk pati të lënduar. Gjatë deklarimit në polici, Suida Kuka u shpreh se një SMS, i ka ardhur në telefonin e saj dhe e ka njoftuar për lëndën plasëse në mjet.
Ajo po ashtu është shprehur se nuk e njihte numrin që i tregoi për atentatin.
Policia e Shkodrës po hetojnë edhe në lidhje me tabulatet telefonike dhe po kërkohet gjurmimi i numrit që dërgoi mesazhin.
Nga ana tjetër në dëshminë në polici ajo ka deklaruar se nuk ka konflikte me persona te tjerë ndërkohë që edhe sa i takon detyrës si titullare e institucionit nuk ka pasur presione.
