Ish-kryeministri Sali Berisha i shoqëruar nga Albana Vokshi po zhvillon pasditen e sotme një takim me zonjat e Lidhjes Demokratike të Gruas.
Berisha gjatë fjalës së tij theksoi se politikat që Rama përdor janë të sponsorizuara nga Geroge Sorosi dhe se autorët e krimit janë në Kuvend.
“Kjo është vetëm një periudhë, etapë, që kërkon një obligim edhe më të madh, tuajin në këtë mision, në mënyrë që PD të arrijë sa më shpejt që rolin dhe vendin tuaj ta ketë në atë nivel dhe pozicion. Objektivi është natyral i përcaktuar, barazia e plotë midis burrave dhe grave në këtë forcë politike. Kemi të bëjmë me politika të kriminalizmit. Nëse vështrojmë politikën zyrtare të Edi Ramës, ato janë nga politika të spartrimit etnik. Këto ditë në Kuvend vjen ligji për legalizimin e drogave një doktrinë e sponsorizuar nga George Soros. Doktrinë që mbjell krim, krim dhe vetëm krim. Autoret kryesorë të krimeve janë në parlament, ata që qëndrojnë bodrumeve janë ushtarët e tyre. Ne duhet të punojmë fort që roli i grave dhe vajzave të ridimensionohet me shpejtësi.”, tha ai.
