Deputeti i PD-së, Dashnor Sula ishte i ashpër me shumicën qeverisëse lidhur me tenderat e prokurimet publike, disa prej të cilëve në muajt e fundit kanë qenë kryefjalë e akuzave për korrupsion.
Ndalur te skema e mashtrimit me evazionin fiskal që denoncoi LSI për inceneratorët, deputeti tha se këto firma i furnizonin djegësit e mbetjeve me fatura fiktive “me rrush dhe banane dhe dilte beton”.
Kjo solli reagimin e Pandeli Majkos nga vendi, por Sula i kërkoi të ishte i qetë dhe ta dëgjonte duke i nxjerrë letrat. Më pas, demokrati iu kthye dy denoncimeve.
“Në Vilëbashtovë hodhët 1.1 mln dollarë në lumin Shkumbin, ku janë lekët? A kushtojnë 1.1 mln dollarë një palë shkallë? Po ashtu edhe në Gudullë, 2.1 mln dollarë, ku janë?” kërkoi shpjegime, Sula nga qeveria.
