Avokatët pas katër javësh bojkot të enjten kanë njoftuar protestë kundër hartës së re gjyqësore, por qeveria i ka injoruar duke mos i marrë në konsideratë shqetësimet e tyre për t’i dëgjuar.
Ministri i Drejtësisë Ulsi Manja u shpreh sot se harta e re gjyqësore, e propozuar nga KLGJ, nuk do të ketë kthim pas.
“Të gjitha diskutimet mbi hartën kemi lënë një ditë të dedikuar, do të kemi përgjigjet e duhura nesër në Komisionin e Ligjeve.
Nesër do të shkojmë në respekt të Komisionit të Ligjeve, pas seancës dëgjimore nesër në Komisionin e ligjeve dhe miratimin nga Ministria e Financave, harta do të shkojë në qeveri për miratim” tha Manja.
Janë 18 gjykata që mbyllen me hartën e re gjyqësore. Problemi kryesor është që do të ketë vetëm një gjykatë Apeli, që do të jetë në Tiranë.
