Të tjera detaje kanë dalë nga atentati i ndodhur në Fushë-Krujë ku autorët kanë qëlluar me breshëri kallashikovi dhe janë zbrazur rreth 50 plumba.
Nga atentati mbetën të vrarë 3 personat që ishin brenda, shoferi dhe dy pasagjerët.
Dyshohet se persona të maskuar kanë dalë para automjetit duke qëlluar me breshëri plumbash.
Në momentin e atentatit, personi që ishte në sediljen e pasme ka dalë nga automjeti dhe tentoi të largohej me vrap.
Por autorët janë kthyer dhe e kanë qëlluar edhe atë. Menjëherë pas ngjarjes, makina ka shpërthyer në flakë.