Autoritet kroate kanë reaguar pas vendimit që presidenti serb, Alexander Vuçiç nuk do të mund të hyjë në Kroaci.
Ato janë shprehur se ata nuk janë kundër vizitës së Vuçiçit në Jasenovac por duan që ajo të kalojë në mënyrë zyrtare dhe për këtë kanë vendosur dy kushte.
E para është që gjithçka të bihet dakord në nivel diplomatik dhe të njoftohet autoritetet përkatëse dhe e dyta është që vizita të mos bëhet para vjeshtës.
“Kroacia do të lejojë ardhjen e presidentit Aleksandër Vuçiç në Jasenovac, por kjo është një ngjarje që duhet të dakordohet përmes kanaleve diplomatike, gjë që nuk ishte kështu sepse Vuçiç vetëm e njoftoi Milorad Pupovac se ai dëshironte të shkonte në Pakrac dhe Jasenovac dhe nuk bëhet kështu. Nuk kemi asgjë kundër ardhjes së tij, por, e përsëris, është e nevojshme të bihet dakord se si do të duket, megjithatë, sigurisht që nuk do të ndodhë para vjeshtës”, konfirmoi një burim i afërt me qeverinë kroate.
